學友開騷喉嚨震到落腳
有份角逐金像影帝的張學友，其20場《張學友1/2世紀演唱會》前晚在紅館揭幕，全場爆滿，年近半百的學友在3小時個唱中又唱又跳，瀟灑表演一字馬難度動作，更施展喉嚨震音演繹一首首經典金曲，技驚四座！
穿上鑲有11萬粒水晶、重達30磅銀色閃令紳士服的學友，形容是最閃的一次，他笑說：「孭住呢套衫，唔係簡單嘅事，但最緊要靚。」當他除低紳士帽時，前額也被重壓弄到一片紅。學友一口氣連續唱三首勁歌熱舞，氣都冇喘便問：「得唔得？真係唔係講笑！正所謂都1/2世紀年紀，我唔係一個木頭嚟，唔係淨係郭富城先跳得。」
其後，學友站在離地約40呎高的鐵架舞台大唱搖滾歌：「個台好搖，有一半我喺度震，其實真係好驚！好危險。」原來歌神有「畏高症」，他在個唱上也不忘搞笑本色，他讚賞第一場觀眾夠勇敢：「你哋好勇敢，好彩我穩陣，唔係你哋就慘。」戴上帽時，他又甩頭撥髮笑說：「撥髮呢下都撥咗好耐。」隨即大擺Chok爆甫士，笑爆全場。
學友在台上做出一字馬動作及拉筋，技驚四座。
學友與舞蹈員跳舞，不讓城城專美。
學友站在約40呎高的鐵架舞台唱搖滾歌，笑言驚到震！
學友勁歌熱舞，跳到飛起。