Fiona爭后椅　謝祖名真情

應屆候選金像影后薛凱琪、劉嘉玲、楊千嬅、何超儀與湯唯，都是當今獨當一面的演員，幾乎位位都挾影后之名參戰，哪位能脫穎而出，明日自有分曉！

有說薛凱琪（Fiona）加上房祖名便能產生化學作用，繼《早熟》傳緋聞傳足幾年後，二人再合作《分手說愛你》，由於早有默契，加上故事情節生活化，令不少觀眾淚流滿面，更帶挈Fiona連奪越南影后及演藝人協會傑出表現女演員獎！最近，她再憑《分》片提名金像獎影后，與劉嘉玲、楊千嬅、湯唯及何超儀一決高下！

讚千嬅突破框框

雖然貴為影后，但Fiona對金像獎殊榮不敢多想，更不會給自己壓力，她認為拍畢最後一個鏡頭後，她的責任亦已完成：「可以去到今日呢度，祖名幫咗我好多，因為好多對白都出於自然，冇預計到嘅反應往往最真實，如果唔係祖名，我唔可以有呢個效果。」

談及4位勁敵，她如數家珍地分析戰況：「嘉玲有晒嗰種氣勢，超儀就好瘋癲，湯唯有好多感情內心戲，但又演得幾淡然喎！千嬅就演一個好大膽同率直嘅女士，可以話係佢入行以嚟最特別嘅演出。」Fiona大讚千嬅在《志明與春嬌》中的演繹完全跳出過往的框框，故認為她的奪獎呼聲最高。

至於千嬅則表示抱平常心面對競賽，對於被讚跳出框框，她坦言理解角色的能力的確有改善，亦學懂以不同方法演繹：「個古仔好似自己發生過，實在感好強，可能咁就畀到唔同感覺大家。」談到心水影后，她毫不猶豫便表示睇好嘉玲，因嘉玲演的皇帝並非以意識形態取悅大家，感覺更驚喜。