林二汶自資開騷冇蝕本
日前at17成員林二汶到電台宣傳下月舉行的六場音樂會，她說：「依家只得經理人合約，冇唱片公司合約。」二汶透露因沒有唱片約，故投資了六位數字開音樂會：「之前擔心啲飛賣唔去，好彩公開發售幾日已經賣晒，至少唔使蝕本，好開心同好安心！」她坦言從沒想過與哥哥林一峰開公司捧自己：「大個女係時間出去闖，如果開公司萬一有咩事就慘喇！因為我哋仲要養父母，依家自己一個人，任何一方衰咗，都有另一方照顧屋企，至少有個安全網。（搵哥哥一峰做音樂會嘉賓？）考慮吓，但佢話有咩幫手都可以搵佢，覺得佢好有哥哥風範。」
