吳雨霏難忘舊愛感人時刻

吳雨霏前日推出首張紅館演唱會DVD，並大方透露隨碟附送的相集中，有前男友網球王子洪立熙送花的感動場面。她承認此幕是當晚最感動一刻，絕不能錯過。

吳雨霏（Kary）年初在紅館舉行的演唱會大獲好評，唱片公司有意為她舉行PartII。雖然有傳6月約滿金牌大風的Kary有意離巢，但她近日仍努力宣傳個唱DVD。

問到是否最後一次以金牌大風歌手身份宣傳？Kary說：「唔好咁講，世事難料，如果繼續工作，今次隻DVD係我同公司嘅心血。」

送花獻吻淚如雨下

由於前男友網球王子洪立熙（Brian）在個唱上大方送花及獻吻，令Kary感動得淚如雨下！問到有否收錄在DVD內？她先賣關子說：「買嚟睇吓咪知囉！」其後她大方地說：「有，呢Part係最回味。」

Kary坦言曾掙扎過：「始終佢唔係圈中人，唔想影響到佢，但諗番呢一個係其中一個回憶，唔想錯過咗呢個感人場面。」

Kary承認一早已知會Brian：「呢個係一份尊重，話佢知我本相集有放佢嘅相。（佢有咩反應？）冇乜特別。（成功翻撻？）唔係，想諮詢佢一聲。（會唔會叫佢買？）哎吔！唔使特別講。（送畀佢？）之前多謝咗佢，等佢自己買啦！」