糖妹Dominic唔避忌打野戰

糖兄妹近日備受注目，「人仔細細」的糖妹更被Fans封為女神，可惜早前她被偷拍到與高大有型的組合Bro 5成員Dominic出街，令Fans緊張不已，但糖妹肯定地說：「唔會疏遠佢！」

近期人氣高企的「女神」糖妹（Kandy）早前被拍到與猛男Dominic去街，但她否認拍拖：「我哋只係兄弟，平時去打吓War Game、打吓邊爐。（以後會唔會避忌啲？）唔會囉！我有好多男仔Friend，唔通全部疏遠咩？」

處女闖影壇

提到糖兄妹組合近期人氣急升，糖妹謙稱「離紅很遠」，糖兄則坦言沒有想過會有這麼多Fans認識，被追捧更是始料不及！問到未來的發展方向？糖兄透露會增加適合香港人口味的歌曲：「我哋會同台灣嘅音樂人合作，向中、港、台及海外發展。」從未踏足影壇的糖妹，則想向電影方面發展：「我會喺新戲《戀夏戀夏戀戀下》入面做主角個妹，雖然只有一日嘅戲，但都好好玩，另外我都會接拍唔同嘅廣告。」

眾所周知，糖兄妹並非真正的「堂兄妹」，更不是「拖友」關係，問到他們如何相識？糖兄表示因為四年前想找人唱Demo，經朋友介紹下認識了糖妹，當時他一眼便看得出糖妹的潛能，所以決定認真向歌壇進發。