張國強剃光頭豬籠入水

藝人張國強在電影市道不景氣時投身無綫，三年來默默耕耘，演出時裝、古裝劇，正派和反派統統都殺，演出機會多的是，他坦言常會感恩：「人話十個光頭九個富，我拍《紫禁驚雷》剃光頭，就有好多演出機會，我拍過早排播完嘅《魚躍在花見》，最近拍《潛行狙擊》，演好多唔同角色，日日冇停手，無綫畀好多機會我。而我同黃婉曼做足球節目，又畀廣告商睇中，拍咗個信貸廣告，廣告剛出街，又接咗一個健康食品廣告。」除拍劇，去年他與田亮合作，在深圳拍攝電影《山寨也瘋狂》，飾演父子，他剛收到電影公司老闆報喜，指電影於8月全國上映，現正籌備下一部新戲，由內地知名導演掌舵，預了他一份。

他表示拍《山》片時有演員被夾扁手指，需要縫四針，回想起來仍然吃驚：「場戲講我哋三個去偷渠蓋，用鐵鈎去勾起渠蓋，渠蓋太重，個鈎負荷唔到跌番落地，我同田亮馬上縮手，另一個演員縮唔切，夾扁咗隻手指，入院縫咗四針，我幾驚佢隻手指被夾斷，諗番起都驚。」