徐正曦林司敏 向前輩偷師

導演彭順在新片中除繼續沿用主角郭富城和廖啟智外，更加入新血徐正曦與林司敏。今次有幸與多名前輩級演員合作，二人都表示學到不少東西，當中前輩的專業態度最令他們印象深刻。

徐正曦及林司敏演出經驗尚淺，今次幸得導演彭順賞識，與郭富城和廖啟智等合演電影《B＋偵探》。在拍攝過程期間，二人都獲益良多，當中徐正曦對於廖啟智的一幕戲印象深刻：「有一幕智叔成面都係血，不過手就冇，好乾淨。但係當佢見到地上有一攤血漬時佢就沾上手，令到成個戲更逼真，感覺更舒服，我哋可以喺呢啲細節上見到佢哋嘅專業。」

至於與他有最多對手戲的城城，徐正曦坦言對方的專業態度，令人欣賞：「佢喺空餘時候會照鏡，對住塊鏡睇自己做戲。」

減低心理壓力

林司敏則被城城在電影上的熱誠深深吸引，她說：「城城會同導演講好多好細節上嘅位，例如個魚缸個位唔正咁。佢又會請教導演機位上拍攝嘅事情，睇吓邊個角度拍得靚啲。我覺得佢會導演，因為佢真係好熱衷。」他們覺得各前輩級演員非常親切體貼，毫無架子，會主動與他們傾偈，除大大減低他們心理上的壓力外，在過程中有得着。

文：影視組