性感女神舒淇日前與光纖之父高錕夫婦同場出席活動，她向ontv表示相當羨慕高錕伉儷：「如果我有腦退化症，有一個人咁愛同守護我，陪伴我身邊，真係天大嘅幸福！」問到是否已找到另一半，她說：「唔好問呢啲，過埋今年啦！明年努力！」問到與台灣型男彭于晏的緋聞，她說：「已經係年幾前幫佢拍MV，啲人冇嘢寫攞嚟寫。（發展機會？）佢係好男仔，應該搵更加好嘅女仔，我已經係女人啦！（嫌佢細個？）唔係，朋友冇諗呢啲嘢！」
舒淇羨慕高錕伉儷的恩愛。
舒淇最近與彭于晏傳緋聞，但她強調兩人只是好友。
