陳家樂操Fit露股拍戲
英皇男星陳家樂雖然屬靚仔一族，但身形偏瘦，所以近日的起心肝健身及練拳，務求變身大隻仔，家樂早前還跟師兄陳偉霆（William）學拳，他說：「其實之前都操過，但自己又懶冇練，最近又再學番，William係一名嚴師，雖然係練得好攰，而且左右唔協調，未完全掌握到，但感覺一流。（學Willam騷肌肉拍戲？）如果有佢咁好身材，我真係唔介意呀！露股都冇所謂，但最緊要係劇情合理，同埋身形弗爆先啦！」
另外，家樂早前赴廣西為電台拍攝文化節目，此行令他大開眼界，獲益不少：「今次離開屋企十日，一個人去廣西，咁大個仔都未試過，去到嗰度要自己顧自己。（品嘗當地美食？）有呀！啲食物都幾好，不過有次以為食咗乳鴿，食完先知係『禾花雀』，感覺有啲怪囉！」
場地：gi+ 服裝：esclusivi
陳家樂表示若劇情需要及身形理想，不介意拍露股戲。