馮德倫吳彥祖唔驚反目

相識多年的馮德倫和吳彥祖自組公司，兩人相信靠大家多年的默契和近乎相同的「鬼仔思維方式」，不會因合作增加摩擦而弄至兄弟反目！

馮德倫和吳彥祖對電影同樣有熱誠，早前一同合組新公司「突圍」，成功與內地娛樂圈一哥華誼兄弟簽訂十部電影合作計劃。馮德倫和華誼老闆王中磊接受訪問，大談兩公司第一部合作大片《太極》，馮德倫說：「呢部戲嘅劇本好好，睇完已經決定會連開三集，將楊家太極創辦者楊福魁嘅一生展現出嚟。」該戲起用李連杰任主角，但首部曲講述年輕時代，馮德倫有意大膽起用全新或年輕演員：「壓力大(o架)！一拍戲就等於開水喉，今次嘅投資好大，六月會開機拍第一部，之後希望一年一部，三年內完成呢個系列。」

馮德倫和吳彥祖相識多年，在新公司內職位無分高低，只是責任領域有所不同，馮德倫相信兩人不會因合作而產生摩擦影響感情：「大家都係鬼仔性格，思維方向一致，希望唔會有分歧！加上我哋嘅崗位唔同，可以互相平衡，唔希望會嗌交！」

華誼老闆具信心

而王中磊直言與「突圍」只花了一晚即傾談成功達成合作，對兩位年輕老闆極有信心。至於公司去年接連失去大明星，王中磊坦言這現象代表了內地經濟的轉型，藝人開始有改變的需要：「剛開始對公司有點影響，但1、2年後華誼會有新的明星出來，至於離巢的感情也不變，今年我們和周迅就有兩部電影，黃曉明也有。」