李雨陽心灰學陳鍵鋒離巢
李雨陽（Eddie）最近連踩兩組，分別為《飛虎》及《荃加福祿壽探案》開工，更在《荃》劇內首次與阿姐汪明荃合作。談到阿姐予人嚴肅感覺，Eddie笑說：「一啲都唔係，其實阿姐好易氹，似小朋友一樣，有日仲教我哋班『龍兄鼠弟』一齊跳住舞咁入鏡，齊齊搞笑！我之前同佢影合照，諗住放上微博，點知佢知道後就話：『睇吓邊個快啲放上網先』。」
日前Eddie剛度過三十二歲生日，當晚好兄弟鄭嘉穎及田蕊妮等為他舉行派對慶祝，切蛋糕切到手軟。談到生日願望，他有感而發地說：「梗係事業運好啲，多啲工作啦！」據悉，Eddie原本本月約滿無綫，但因為未夠騷關係，合約被要求順延兩個月，言談間他更暗示已感心灰，故考慮效法陳鍵鋒往外闖，離巢呼吸自由空氣。
李雨陽生日，與好友鄭嘉穎等舉行派對慶祝。