鮑姐降呢惡鬥咪咪
入行多年的余安安，07年首度提名最佳女配角，可惜當年敗給周迅，今次她捨棄平日高貴的形象，於《飛砂風中轉》中變身爛撻撻大家姐，令她過足戲癮：「今年候選人實力旗鼓相當，不過我都有信心！」另一候選人邵音音則自嫌未盡全力：「我真係做得唔好，冇諗過入圍！希望《打擂台》攞多啲獎，令投資者對呢類電影多啲信心，人人有工開！」
年前鮑起靜榮登影后寶座，今屆降呢角逐女配角，並與《月滿軒尼詩》內的好姊妹朱咪咪爭獎，但鮑姐睇好安安獲獎：「我攞過啦！人哋點會再畀你呀？今次好似敬老咁，女配角得張靜初後生啲！話明Supporting Actress，大會好尊重我哋班甘草！」至於咪咪姐對入圍亦感開心不已！
朱咪咪與鮑起靜於戲中爭佬，現實中又爭獎。