霆鋒演技升呢越級戰發哥

《金像獎》影帝之爭趨白熱化！周潤發、梁家輝、張學友、張家輝及謝霆鋒各有優點，張家輝未有贏硬之勢，更大讚霆鋒優秀！

今屆《金像獎》候選影帝分量十足，3屆影帝周潤發破格演繹萬世師表孔子；梁家輝學粵劇扮演李小龍之父名伶李海泉；去年最佳男配角謝霆鋒變身徘徊生死邊緣的線人；張家輝則演活周旋於上司、線人及賊匪之間的內斂幹探；還有已為人父的張學友再度化身情聖，5星各具特色認真難以取捨！

前年張家輝憑《証人》橫掃各大頒獎禮，演技已獲認同，但今年未必能一面倒跑出，他在《綫人》前半部中的角色略為平實，後段才一舉爆發，家輝說：「由籌備開始，我一直同導演、編劇緊密討論，角色性格都改過幾次！」今次比《証》片戲份更重，觀眾更能欣賞其演技：「呢次冇得衝鋒陷陣，但係同線人產生一啲微妙感情！」已嘗得獎滋味的他，感覺似乎已超脫不少，問到睇好誰可跑出？他拒作評論，但不忘大讚霆鋒：「霆鋒由《証人》到《綫人》，的確進步咗好多！」

智叔倡雙影帝

至於霆鋒在《十月圍城》散發出忠實淳樸，今次的線人角色更成功捉緊觀眾心，與桂綸鎂的苦戀更令人難忘，戲味躍升至另一層次！導演林超賢大讚霆鋒開竅速度快，有望得獎，不過霆鋒卻以平常心面對獎項，反而太座張栢芝更緊張，希望老公升格稱帝！而憑《綫》片入圍最佳男配角的廖啟智亦大讚兩位主角的演出：「霆鋒進步咗好多，近幾次角色變化好大，家輝就內斂得嚟好穩陣！（睇好邊個？）可唔可以雙影帝？獎座做唔切唔緊要，後補囉！」