孔慶翔再戰樂壇追夢

04年憑《She Bangs》紅遍全球的孔慶翔（William Hung），日前特意來港演出。去年大學畢業的他不排除再戰樂壇！

孔慶翔早年在美國節目《一夜成名》中的獨特歌藝及舞姿令人難忘，一度紅到發紫的他近年埋首學業，去年八月正式畢業。日前他專程從洛杉磯來港，在夜店Dragon-i演出，問到會否再戰樂壇做歌手，他說：「呢啲好難講，順其自然啦！有啱嘅登台工作都會做，我主修數學，想做統計工作。」

揀女友要真心

當年他一句「I already gave my best, and I have no regrets at all」贏盡掌聲，他坦言金句有影響力：「人生最緊要無憾，自己仲有好多嘢未做，我仲鍾意唱歌o架！希望鼓勵到鍾意唱歌嘅人，唔好放棄！」雖然近年在美國生活，但William Hung亦有留意本地娛樂新聞，他亦知道誰是Angelababy及周秀娜等模，他說：「都知道佢哋係邊個，幾好！」提到揀女朋友，他表示首要條件是對方真心愛自己。另外，Angelababy昨晨在微博寫道，只睡3小時就起身開工，但對被窩毫不留戀：「連枕頭也是黑黑的。」而形象設計師Sean K前日上載Baby戴頭飾的相片，相信是新片《全球熱戀》中的造型。

04年一夜成名

中文名：孔慶翔

英文名：William Hung

出生日期：1983年1月13日

學歷：加州大學柏克萊分校

簡介：屬美籍華僑的William，於04年1月參加《一夜成名》（American Idol）憑一句「我盡咗力，冇後悔」贏盡民心，其後一度回港發展，參演電影「我阿媽發仔瘟」及拍攝瘦身飲品廣告，其後推出首張個人唱片。