登台「遇劫」竟捱罵 小春火都嚟
陳小春前晚於浙江登台，從後台步出場期間，被一名突然衝上台的男觀眾搶去眼鏡！為免影響流程，小春仍繼續演出。事後返回酒店，他不禁在微博留言呻被搶東西，竟被路過的網民留言指「活該」，雙方展開理論，粗口滿天飛，不少粉絲留言撐小春！一夜過後，事情發展卻峰迴路轉，該名曾鬧小春的網民竟然道歉，自稱因飲醉酒才亂留言！
峰迴路轉玩道歉
身在天津開工的小春，昨日接受電話訪問時仍然相當激動，還勞氣地說：「我畀人偷嘢，點解我會畀人用粗口鬧，呢個咩世界？佢仲搬埋父母奶奶出嚟鬧，黐線！要鬧就鬧我，唔可以鬧埋我阿媽！」不過提到該網民早上留言道歉，他即笑說：「佢有種，對自己做過嘅事負責，我即刻關注佢，呢啲人可以做朋友！（被搶眼鏡？）係『偷』！事後我『邀請』佢上台，點知佢龜縮喎！」
小春提到被「偷嘢」時，仍不禁相當勞氣！ （資料圖片）
小春曾與好友鍾欣桐經常登台，未知可會分享防範心得？ （資料圖片）
小春登台經驗多多，但仍難防突襲。 （資料圖片）