葛女郎Phoebe攻影壇挑起古仔慾火

葛民輝Icon女許穎（Phoebe）因34D上圍備受注目，走性感路線的她不介意為電影拍攝情慾戲，更希望可床戰古天樂，挑起對方的慾火！

去年Phoebe被葛民輝睇中而入行，在寫真集中大騷噴血34D身材，展示由阿葛設計的泳衣，令人印象深刻！早前她又被睇中在賀歲片《我愛HK開心萬歲》中演模特兒，初踏影壇的她緊張又興奮，她說：「我個角色係Model，戲入面我仲有唔少Cosplay打扮，要着公主衫、校服，好得意！而且個妝好濃，對眼黐成六對假眼睫毛，上面四對，下面兩對！」Phoebe拍戲拍上癮，希望有更多發揮機會，不介意行性感路線，她更挑選心水親熱男主角：「古天樂！之前睇過佢好多戲，最深刻係搞笑片，佢好似冇咩拍過太激烈嘅感情戲！就等我去挑起佢！」

性感打扮觸怒男友

去年底，Phoebe獲邀在福祿壽的演唱會中，與李思捷跳辣身舞，曾習芭蕾舞及Hip Hop的她坦言冇難度，更計劃錄製個人新歌及踩入設計師行列，認真百足咁多爪！早前她推出自家品牌HUE，將全裸及濕身肖像印上Tee俘虜男Fans。

因工作需要，Phoebe不時以超Sexy裝扮示人，卻因此觸怒當時的男友，最終她揮慧劍斬情絲：「佢接受唔到我太性感，結果嗌晒交分手收場，我覺得我難得入行，想做自己鍾意做嘅事，唔想錯過機會！（想再拍拖？）個個女仔都想有人錫，但係我想專心工作先。」