大島優子人仔細細有婚數

日本組合AKB48「人氣一姐」大島優子，在最新單曲《成為櫻花樹吧》MV中飾演年輕媽媽，早前來港宣傳的她坦承有衝動結婚。 文：音樂組

日本當紅女子組合AKB48的「人氣一姐」大島優子，在新曲《成為櫻花樹吧》MV中飾演年輕媽媽，與小朋友拖手仔玩鞦韆，問到現實生活中有否「婚」數？她說：「同其他女仔一樣，我都好希望有一日可以着婚紗，有自己嘅家庭同生幾個小朋友，但依家嘅目標係工作為先。」早前在活動中穿上婚紗的她，更恨嫁恨到出口：「直情開心到唔想除呀！」

雄心壯志進軍海外

早前來港舉行握手會的優子，感謝香港粉絲支持：「好多謝咁多朋友支持我，好多朋友都好努力咁同我講『鍾意你』同『支持你』，令我覺得好感動！」首次來港的她，對地道美食讚不絕口：「我對香港嘅美食，尤其係海鮮料理最有印象，因為日本比較少機會食到！」

此外，對於AKB48去年突然爆紅，優子說：「當時好開心！有咁多人鍾意我哋，之前未有咁多人認識嗰陣，大家都默默努力裝備自己，希望未來有更多海外朋友認識我哋，我對海外發展都好有信心！」