余翠芝北上遇假富二代

由唱作歌手跳入電視圈的余翠芝（Chita），近來積極北上拍電視劇，問到是否想狂賺人民幣？她表示只想擴闊市場：「始終係新人，傳聞佘詩曼有廿萬，我唔會好似佢咁高！依家只係想多啲人識我，舊年做春晚表演，點知啲人以為我係內地高官啲女，先可以上去表演。（搵富二代男友？）唔係向錢看，冇遇到富二代，戲入面就有啲假嘅有錢人。」

Chita到內地工作後更見消瘦，但否認因拍劇辛苦所致：「去完杭州拍劇反而係成個人圓咗，成日同助手食嘢同行街，助手都話我手臂好多肉，咁咪做運動同飲醋減肥！高峰期有98磅，依家輕番8磅。」

余翠芝北上拍劇只遇到假富二代，真命天子未曾出現。