莊思敏隔幾個月嗌分手
由葉念琛執導的電影《隱婚男女》日前舉行座談會，有份主演的莊思敏與觀眾分享意見。與男友吳浩康的戀情多年前已公開，她表示若將來結婚，不會如片中主角陳奕迅般隱瞞已婚。問到是否因爸爸是拿督，故期望她的婚禮鋪張大搞？莊思敏說：「唔係，只係覺得隱婚壓力太大，香港地方咁細，好容易查得到。」
對於吳浩康曾大爆他倆嗌交後鬧分手，莊思敏直認不諱：「係呀！好小事都會話分手。幾個月都會講一次，頭一兩次都認真諗係咪要分手，不過講得多，講完過幾個鐘就冇事，嬲完就冇嘢，好快又講番嘢。（情趣？）對我嚟講唔係囉，哈！但又Keep住有嗌分手喎！」
