焦媛演舞台劇剝剩個Bra

焦媛與歐錦棠在舞台劇《女上男下》中飾演夫婦，需穿上內衣演出，肉帛相見。而同時演出兩套舞台劇的她，坦言感到精神分裂！

舞台劇演員焦媛與歐錦棠在瘋狂性喜劇《女上男下》中飾演夫婦，雖然題材講述偷食，但焦媛坦言現實中不能容忍另一半偷食：「我接受唔到一夜情囉！你要問吓自己承唔承擔得起個後果？如果我發現另一半出軌唔會扮唔知，一發現一定冇得返轉頭，但好慶幸從未遇過呢啲事！」

孭兩劇險精神分裂

為配合劇情需要，焦媛在《女》劇中需以內衣上陣：「歐錦棠都會着『孖煙囱』o架！因為故事講偷情，好難避免着內衣，加上我同阿棠都好熟，都係搞笑成分居多！（佢婚後錫身？）唔關事！不過佢又唔係着T-back，我都想睇佢着，話晒佢都咁大隻，好Sexy o架佢！」問到為何不加插上述戲份，她笑說：「雖然我係藝術總監，但都冇得加呢場戲，一切以配合劇本為先！」

綵排《女上男下》同時，焦媛需為另一套舞台劇《金鎖記》到內地巡迴演出，她不諱言感到精神分裂：「《女》劇係喜劇，《金》劇就比係較沉重，要同時間處理兩個好大差別嘅角色，自己要調節得好好，真係演到精神分裂！」

文：影視組