A. Lin暴脹現麒麟臂
模特兒A. Lin、鄺敏慧（中巴）與周柏豪昨日宣傳有線外購劇《濟眾院》，背心上陣的A. Lin明顯發福，手臂非常粗壯，她亦直認不諱：「肥咗好多，希望有纖體公司搵我減！（要性感拍廣告喎？）如果纖體成功都唔介意騷身材。」她並表示今年不會出寫真，目前積極試鏡，希望轉型拍電影。
活動上，A. Lin與中巴應要求當眾劏豬，豬屍甫推出即嚇到A. Lin扁晒嘴，她說：「覺得好似搞人屍體咁，不停同佢講唔好意思。」相反，中巴非常熟手，直言因經常幫手做家務及買餸，見慣不怪。至於周柏豪則直認怕血，故打消做醫生的念頭。
A. Lin驚現麒麟臂，難怪急搵纖體公司贊助減肥。
中巴熟手劏豬，周柏豪自愧不如。