撐范姜辣慶媽咪B仔被趕離美國
鍾鎮濤（阿B）女友范姜與前妻章小蕙妹妹章小婉爭執事件，令阿B兩名子女鍾嘉浚和鍾嘉晴寧願和生母一家「斷絕關係」力保范姜。身在美國的嘉浚昨日在Facebook留言，大爆母親章小蕙指摘他攻擊她的家人，要將他逐出美國和退學。而妹妹嘉晴則留言安慰歡迎他返港，因一班愛錫他的屋企人都在：「我16歲，你21歲，我哋都唔係細路仔，但姓章嘅人仲以為我哋喺五、六歲冇腦嘅細路。」更形容生母一家是個「Rat Family」。
昨午嘉晴放學回家，問到去年在台灣生活一事，她承認不慣一個人在台灣生活，但想學獨立和學好中文。問到阿姨章小婉暗指有人令她受傷害？嘉晴說：「佢想搞新聞啫！」至於昨日范姜和章小婉未有露面，阿B則到中環做運動，問到有指去年放逐嘉晴去台灣？阿B說：「啲雜誌又知我屋企事？佢（嘉晴）想去邊咪去邊，佢有思想o架啦！（佢唔想去？）係我唔想，我唔捨得佢。」
阿B到中環做運動，心情不受影響。
嘉晴直指阿姨章小婉「想搞新聞」。