恨嫁DaDa驚末日趕結婚

農夫成員C君昨日與未婚妻出席活動時透露，明年7月底結婚，但未婚妻仍未選好婚紗，大約擺30多圍酒席，更希望反串着婚紗。問到誰擔任兄弟團？C君說：「方大同、王浩信同細So，但都係口頭答應，陸永會做伴郎。」他透露婚後不急於造人，先享受至少一至兩年二人世界。同場的周秀娜師妹DaDa（盧頌之）揚言渴望結婚，並直認現在有男友：「有呀！拍咗年幾。（結婚大計？）有共識，但過多幾年，搵吓錢先，但依家好似世界末日咁，想快啲結。」她表示男友仍未求婚，但女生應有矜持，故不會主動向男友求婚。

DaDa（右）與Debby穿婚紗出席活動，流露一顆恨嫁的心。

C君與未婚妻宣布明年七月底拉埋天窗。