謝霆鋒投資的製作公司昨日搞開張Party，妹妹謝婷婷與老竇謝賢（四哥）前後腳捧場。事後，四哥被問到霆鋒以天價續約英皇，他在電話中風騷地說：「我梗係支持！霆鋒依家識嘢多過我，佢咁大個仔自己話事！楊生一向咁錫佢，我好放心將霆鋒交畀英皇。」如今霆鋒的演藝事業與生意均出色，四哥坦言老懷安慰：「哈哈，佢做得唔好我兜巴星佢呀！」
婷婷則在微博上載多張與霆鋒的可愛童年相，非常溫馨，還有霆鋒與囝囝Lucas行路背影相，Lucas超可愛。她又與霆鋒合照，讚哥哥穿着西裝打扮有型及成熟。