霆鋒續約八年 天價3億

謝霆鋒秘密續約英皇！據知，英皇以三億簽八年的「天價」挽留霆鋒，加上霆鋒名下後期製作公司撈到風生水起，更擴充營業，名副其實雙喜臨門！

近年不時傳出霆鋒約滿英皇的消息，為免再惹來不必要猜測，據知他周前不動聲息下，以「八年三億」的天價提前續約英皇！他昨日以老闆身份亮相電影及廣告製作公司「PO」的擴充酒會，被追問合約問題時突然爆出驚人消息：「上個禮拜續咗約。（又話你自組公司嘅？）我唔搞Management，好怕同人鬧交，依家可以話畀你聽，99%冇咁嘅興趣，況且公司（英皇）對我好好。」霆鋒續約後，首個任務是接拍林超賢的億元新片《逆戰》，與周杰倫「鬥戲」，有指其片酬高達九百萬，得寵程度可想而知。

押樓籌錢搞製作公司

人逢喜事精神爽的霆鋒提到與拍檔楊文傑合組「PO」，原來已花上八年時間，生意亦漸見規模。除了進駐五層萬三呎的銅鑼灣辦公室外，刻下坐擁員工百名，穩佔五成以上本港廣告後期製作，回想當年押樓籌錢投資，可謂物有所值。談到栢芝日前牽涉交通意外，他表示不欲多言：「佢嘅性格會擔心人哋嘅感受先，所以好擔心嗰位伯伯。（幫助對方醫藥費？）佢會o架喇！」霆鋒逗留公司至晚上九時多，於助手陪同下離開，有不少女Fans等候並索簽名及合照，他合照後才上車。

事後，記者訪問英皇老闆楊受成，原來他對栢芝甚為欣賞：「無論演技定氣質，栢芝可以話係全港第一，好難搵人代替到佢。（簽埋佢？）咁要睇佢嘅意願！（霆鋒以高價續約？）呢啲唔講，總之天價啦！」

據知，英皇藝人管理部總監霍汶希甫復職即「立大功」，但她謙稱與自己無關：「係霆鋒同公司嘅合作啫！（佢加碼續約？）總之雙方都滿意價錢。（三億？）總之物超所值抵到爛！」身為霆鋒叔父輩的王晶亦舉腳贊成：「係英皇培育佢，只要條件好，留低都好應該。」