栢芝撞親老伯心傷痛哭

張栢芝日前發生交通意外，惹來不少負面新聞，她決站出來接受訪問談感受。回想意外不禁哭泣的她自言內心受傷，希望讓傷者在最佳環境下接受治療。

文：影視組

張栢芝日前發生交通意外，案中涉及一名六十餘歲的傷者。事件發生後，備受千夫所指的她接受有線訪問，開腔談及案中傷者時感同身受：「當年我仲係新人，喺慈善演出中飛車受傷，要喺醫院臥床休養，嗰時都擔心醫藥費同影響收入，所以伯伯同佢嘅家人唔使擔心，我希望佢喺最舒服、最冇壓力嘅環境下接受治療，相信可以幫助到佢。」

「預咗」備受指摘

對於事件引來傳媒追訪，栢芝以「預咗」來形容，不擔心事件因而被渲染，甚至似已判她有罪，只希望傷者早日康復：「部分傳媒如果為博銷量去追訪，我冇辦法，但希望可以留一個私人空間畀伯伯去接受治療。（探病？）呢啲要透過好多途徑，要聯絡警方。我始終係公眾人物，驚出現會引起混亂。」

問到意外發生時有否受傷，栢芝禁不住流淚說：「有，我個心受傷！」對於有可能被指博同情，她說：「我唔介意人哋點睇，最緊要係我知自己做緊乜！站喺宗教角度，耶穌都畀千千萬萬嘅人唾棄，被釘十字啦！我淨係希望伯伯冇事。」由於案件正在調查當中，栢芝表示不可以詳細地描述事件經過。

文：影視組