黃德斌馬德鐘恨加薪
昨日黃德斌錄影節目《新派煮意》，他表示雖然懂得烹飪，但近年較忙，故甚少下廚，問到女友廚藝如何，他說：「都OK！（結婚？）未住，未有計劃，不過唔知o架！可能隨時話結就結，依家要搵多啲錢先。」對於以陳國強為首的財團昨日正式入股無綫，黃德斌說：「係好事嚟，公司必定有新轉變、意念，期望有更多新元素，同埋最好賺多啲錢，加人工。（陳鍵鋒話做咗十年都係加幾十蚊？）係咁o架啦！要做好自己先，我上年剛續約，都有大把時間喺度，呢幾年要努力。」
至於馬德鐘希望新老闆加入有新氣象，公司變得愈來愈好。問到可希望加人工？他說：「一定要加啦！大家捱得咁辛苦。」而唐詩詠亦認為改變對無綫將來發展更好，她說：「高層嘅嘢我唔知，但係身為基層，我就希望加人工，更希望有多啲唔同嘅渠道發展，令自己見識多啲。」馬賽認為有新老闆加入對她沒影響，認為首要是做好自己，工作方面則由公司安排。
黃德斌與馬德鐘希望無綫易主後會加薪。