蔡楓華添食歌酬加50%
蔡楓華（Ken）前晚舉行第二場演唱會，邀得羅敏莊任嘉賓，二人與盧敏儀三代《勁歌金曲》主持難得同場，而Ken的表現明顯比首場進步，但猶如開演講會的他，在台上多次強調自己為尊嚴及名譽而唱，並非為錢，但又多番強調主辦單位賺大錢，據知令主辦的孫敬安感不悅。本報致電孫敬安，他說：「我哋覺得有少少難受，一晚又咁講，兩晚又咁講，我驚人哋以為我冇畀錢佢或者刻薄佢！」他表示已全數預付歌酬，只餘下分紅未付：「第三場係加場，所以佢嘅歌酬加咗50%，佢唔係冇為錢只為尊嚴唱咁大口氣！」對於Ken多次表明想開紅館演唱會，孫敬安說：「到時再算啦！佢唔係搵大少林建名幫佢開咩！」
蔡楓華拖着《勁歌金曲》後輩羅敏莊合唱，甚有新鮮感。