關智斌當「密友」冇到賺人仔養狗
陳偉霆（William）、張致恒（Steven）及關智斌（Kenny）等昨日錄影節目《Big Boys Club》。將往內地拍攝懸疑片的Kenny笑言，有機會賺人仔好開心：「我要努力工作養妻活兒！（你有妻咩？）咁都要養狗o架！」擺明當密友張敬軒冇到。
至於William承認與女友蔡卓妍（阿Sa）財政獨立，但他會主動「科水」以表風度，又大讚女友並非名牌奴隸：「佢唔崇尚名牌，但係我買嘢畀佢都唔會睇價錢！（阿Sa話好少時間出街？）係好難就時間，我又就快到內地拍戲，套戲本來喺東京取景，依家可能改去大阪！」對於日前在浸禮時揚言想娶一名女生，Steven特此澄清：「係一個我愛嘅人，人哋未必愛我！要追嘅話，窮一生都會追！」
張致恒（左起）、陳偉霆及關智斌再碰頭玩到癲。