張馨予收花 吳卓羲劃清界線

有「內地乳牛」之稱的張馨予與無綫小生吳卓羲的緋聞愈傳愈熱，昨日24歲生日的她更在微博上載13支寓意「我愛你」的紅玫瑰晒命︰「我知道很辛苦，但是我們都很幸福，Happy Birthday！」據知，近日在澳門拍攝電影《戀夏戀夏戀戀下》的她，前晚遭劇組人員發現突然「失蹤」，導演錢國偉說︰「尋晚冇佢嘅戲份，所以唔需要喺劇組，但佢去邊就唔清楚！（同男朋友過生日？）我都唔知喎！」

樂易玲斥抽水

壽星女昨午繼續為電影開工，素顏的她黑眼圈盡現，似乎玩得十分盡興，被問到收花及失蹤一事，她說︰「是我生日，但不能慶祝！（生日收花？）是呀！朋友送的。（誰送花？）當然不是你想的！」她又澄清微博只是有感而發，並非講述自己的感情事︰「是我拍戲的經歷！（壓力大？）是，出道後面對的事好多！」

至於緋聞男友吳卓羲昨日透過電話鄭重否認送13支玫瑰花冧張馨予︰「唔係！（尋晚去咗邊？）我喺香港，同陳豪一齊拍劇。」而無綫高層樂易玲強調並沒在吳卓羲安排下見過張馨予，並坦言曾警告卓羲要小心：「佢哋冇拍拖，只係以前卓羲外借上內地拍劇，劇中佢做卓羲女朋友，我當時都驚，警告咗佢要小心！（佢生日失蹤，又喺微博晒花？）我覺得佢『抽水』囉！」

此外，同樣被爆戀上國產女模潘霜霜的林峯，昨午返電視城繼續開工，但否認因「床照」曝光而壓力爆煲致「冧廠」：「唔會！做呢行一向壓力大！（傳你用二千萬向潘霜霜買番啲相？）吓！我冇聽過喎！有都用嚟投資啦！」而其緋聞舊愛鍾嘉欣昨日接受查小欣節目訪問，被問到拍劇時可有遇上心動對手，她說：「諗唔起！（林峯？）愛係愛佢入面個角色！」另一內地模特兒張子萱接受訪問時直言不認識潘霜霜及張馨予，更不屑潘霜霜借「峯」上位。