張智霖冧拖秋怡搞喊靚靚

張智霖前晚在演唱會上，與前緋聞女友許秋怡再續前緣，十指緊扣情深合唱，而太太袁詠儀未有「眼冤」避席，其後更被老公的深情剖白感動落淚！

張智霖（Chilam）前晚完成兩場演唱會，吸引余文樂、沈嘉偉、歐陽震華夫婦及胡杏兒等捧場，除與好友郭富城合唱外，他還與前緋聞女友許秋怡十指緊扣兼攬腰合唱《現代愛情故事》，引來全場尖叫！傳呷秋怡醋的袁詠儀（靚靚）未有避席，更在台下和唱，而秋怡丈夫王書麒則拍照留念。秋怡坦言已19年沒有見過Chilam，大讚他身形弗爆。

擺完緋聞上枱，Chilam的囝囝張慕童（魔童）亦首度公開亮相！4歲多的他拿着公仔行上台，並與Daddy咀嘴，Chilam問：「你知唔知呢度係邊度？」魔童即醒目地答：「演唱會！」當Chilam再問他有否掛住Daddy時，他卻未有回應。

後悔虧欠老婆

囝囝落台後，Chilam向靚靚大講愛的宣言：「我同佢拍拖，好多人唔睇好，當時我年少氣盛，唔想被傳媒牽住鼻子走，所以冇搞盛大婚禮，甚至婚紗相都冇影，我對佢有所虧欠！」說罷即感觸嗚咽，又約定60歲再補影婚紗相，更喊到要重唱《未響妻》：「太太最近有啲唔舒服，不過佢好努力支持我，我講畀佢知，無論生老病死我都會同你一齊！」令台下的靚靚感動落淚。

慶功宴上，Chilam表示不希望靚靚上台：「阿仔上台已經好Surprise，我都唔知有呢個安排，好蠱惑！」至於與秋怡合唱，他笑言似發夢：「好似時空交錯咁！」而未有出席慶功宴的靚靚，代老公到火鍋店招呼朋友，等他前來會合。