陳山聰拒談伴「雲」升空
賭王何鴻燊三房千金何超雲，與無綫藝員陳山聰的緋聞甚囂塵上，經常在微博傳情的他倆，雖曾兩度被拍得疑與超雲坐直升機到澳門「拍拖」，但山聰卻矢口否認是相中人，即使日前在微博上載了一張叉燒照揭示行蹤，但他卻繼續否認其事。
對於再度被指斷正，山聰前晚半夜時分接受電話訪問時，語氣頗重地說：「我唔再回應有關何超雲嘅嘢！唔通有1、2、3……咁多個古仔，我逐個去回應咩？點解要回應你呀！（咁你依家係咪喺澳門？）唔講喇！」其實正忙拍《回到三國》及《我的如意狼君》的他，近日不用開工，看來有不少時間能跟超雲到澳門「玩樂」！而超雲昨日在微博並沒談及此事，只分享其公司的新貨靚相。
陳山聰對於被指與超雲同赴澳門不置可否。（資料圖片）