傳搭上陳茵媺 陳豪：呢一刻唔係！
早前遭廖碧兒「狠撇」的陳豪，回歸單身後的情路去向一直備受關注，昨日有指他與劇集《心戰》的拍檔陳茵媺（Aimee）撻着，更到女方位於清水灣半島的家過夜！
記者就此向陳豪求證，他聞言即否認戀情，指當時只是到該處睇樓，已不只一次，因要看不同坐向及呎數的單位，與Aimee的關係只是朋友及同事。不過，陳豪讚對方很用心拍劇，亦欣賞其為人，可是提到可有發展空間，他說：「知道大家關注我感情着落，總之呢一刻唔係（一齊）囉！」
Aimee昨晚返電視城開工，同樣否認戀情，指現時專注事業，沒時間拍拖，更強調陳豪沒有上過其家。提到陳豪是筍盤，若拍拖的話大家會戥兩人開心，她笑說：「係真嘅話就係嘅！（陳豪唔好咩！）佢係一個好男人，但我依家只會集中精神工作。」至於有份拍攝《心戰》的鄭少秋笑說：「如果係梗係好，搵到對象開心，但我唔知，都係聽你講。」
陳豪與陳茵媺因合拍《心戰》而傳緋聞。（資料圖片）
陳茵媺昨日如常返電視城開工，並否認緋聞。