諸葛梓岐森美互逗
趙頌茹（阿Yu）、諸葛梓岐（Marie）及高海寧等前晚錄影《魔法擂台》，Marie透露男友薛嘉麟曾大玩低能「手指魔術」氹她，但求婚時並沒「出招」：「佢係喺純潔環境下，做咗白馬王子應該做嘅嘢！（感動？）冇喎！我仲笑佢咁正經做咩！（婚期延遲？）係呀！希望出年春天搞得成。（未來奶奶唔高興？）佢冇催！我哋關係好好！」對於日前與男友欣賞張智霖演唱會時被袁詠儀尊稱「老闆娘」，她笑言對方純粹講笑，但日後會盡量支持男友舉辦的活動。而阿Yu表示用回原名趙頌茹，並指日本輻射問題，令她選擇奶粉及尿片時深感煩惱。此外，主持森美於錄影前作狀(逗)Marie面珠，反被她摸下巴說「Un咕咕」，場面搞笑！
森美與諸葛「相敬如賓」互逗，真係笑爆嘴！
諸葛即席示範手指魔術，無聊當有趣。