性感女神輩出，o靚模「峰」擁而上，究竟是長江後浪推前浪，還是薑愈老愈辣？面對兩位前輩級性感女神，剛殺入大銀幕的「百果園咪神」陳靜（DaDa）大讚兩人充滿女人味，自言「未夠呢」：「Pat姐一啲都唔似做咗人老婆同媽咪，好有魅力！而葉璇一直覺得佢好戲，由佢喺無綫已經有留意，轉拍電影再突出咗，鍾意佢嘅表情。兩位係值得學習嘅對象，畀我做佢哋角色未必得，我未夠呢！」
DaDa殺入影圈，視夏文汐及葉璇為學習對象。（資料圖片）
