祖兒斥欠尊重：似攞鎖匙!

容祖兒前晚出席ifpi頒獎禮，對於有幕後人不滿未獲安排上台領獎，更需到接待處「認領」獎座，她出言力撐：「未免唔夠尊重，好似攞鎖匙咁！」

文：影視組

容祖兒、楊千嬅及Twins等前晚在會展出席《ifpi香港唱片銷量大獎2010》，祖兒連奪「十大銷量廣東唱片」及「十大銷量本地歌手」兩獎，成績優異。而復合推出精選碟的Twins亦連奪兩獎，蔡卓妍（阿Sa）更以個人身份奪得「十大銷量國語唱片」，兩人合唱時，鍾欣桐（阿嬌）突然向阿Sa獻吻，場面溫馨！

大會認溝通出問題

對於幕後音樂人未有獲安排上台領獎，只被招呼到接待處自行領取獎項，令部分人大感不滿。視幕後人為恩人的祖兒即出言力撐：「咁安排未免唔夠尊重，好似攞鎖匙咁！希望佢哋唔好介懷，只係一場遊戲啫！（你有冇畀人冷待過？）唔記得！我好幸運，個腦只記得一兩句冷言冷語，我當係動力！世界係圓嘅！唔好太在意人哋點睇。」而大會主席陳輝虹解釋頒獎禮上設有向填詞人鄭國江致敬的環節，並與一眾幕後人在台下分享經驗，故對他們絕無心存不敬：「應該係溝通出現問題啫！可能工作人員冇講清楚環節係點設計，絕冇貶意！」