「爆E超蓮」望收飯局電話
模特兒梁詠茜（Lillian）、梁雅淳（Bambi）、「爆E超蓮」鍾永慧（Iris）及男模Sam Sha昨日先後在尖沙咀及旺角宣傳春夏時裝，在透明巡遊車上進行時裝騷，三人行騷時穿上白T恤內襯黑Tube Top，引來龍友狂影！
日前有傳C字頭的o靚模曾在夜總會工作，陳靜更慘成嫌疑人物，但三人均堅信同門師姐清白，不過Bambi自爆曾收邀約飯局電話：「收過Model朋友嘅電話，話有朋友嘅朋友問有冇興趣食飯，開價有5、6位數字，我覺得好古怪、好驚！Facebook都收過訊息！」至於自稱未收過該類電話的Iris竟說：「都想試吓收呢啲電話，唔通自己唔吸引！」而Lillian則指身邊有朋友曾收陪食飯的電話邀請。
Bambi（左）與Lillian在巡遊車上行騷，相當特別。
Iris搔首弄姿，甫士頗具難度。