搬屋換車好正常 嘉穎：點解講我霉

鄭嘉穎、蒙嘉慧、李亞男及田蕊妮等前晚宣傳無綫劇集《Only You只有您》，身在外地的李司棋透過長途電話透露劇集於新加坡成績理想，為劇組打下強心針！

對於早前被指換車換樓洗霉氣，嘉穎面黑黑說：「點解要講我霉呢？搬屋換車好正常！都已經係上年嘅事，依家先報道！（有傳係『溫女屋』？）鍾意講咩就講咩啦！都慣咗！唔明點解近排有咁多新聞都仲要寫我！」至於他未有份拍攝無綫藝人官方照，有傳是因為得罪了無綫高層，他說：「公司影相時，我唔喺香港，如果冇影相就單單因為得罪人，真係好膚淺！」

蒙嘉慧信男友

至於5月改以部頭約為無綫拍劇的蒙嘉慧透露，希望外闖看世界：「入TVB之前，我都有返內地拍劇。（好多小生花旦都離開無綫？）我一路都同TVB傾合作，不過咁啱呢段時間畀人拉埋一齊講！（男友支持？）佢都係咁嘅形式做咗好耐！（驚唔驚佢同內地女星傳緋聞？）佢返咗咁耐都冇事，大家唔好再講，林峯已經好慘！」