諸葛梓岐呻忙 押後12月嫁期
名模公主諸葛梓岐（Marie）、Mandy Lieu及第四代Canon廣告女郎Alice B.，昨日到澳門出席活動。Marie自爆12月的嫁期有變，因工作已排至12月，最初以為籌備婚禮只需花一天時間：「原來係好大個Party，真係唔知咁多嘢搞，係要用6個月安排，依家忙到冇期去美國試婚紗，因為一飛就飛幾日，我仲以為抽一日就搞掂！未試過真係唔知，冇諗過咁大件事，真係好恐怖！唔係，係好誇張！（擔心男友以為你悔婚？）我諗佢唔會殺咗我！」
而Mandy Lieu突然被外籍品牌高層出手，撕走其胸前的貼紙，改貼在手臂上，令她面露尷尬神色，但她說：「唔會尷尬啦！佢覺得唔好睇咪搣咗佢。」她表示早前與女性朋友到澳門慶祝生日，更趁機屈朋友請食飯。
Marie不知道婚禮要花6個月時間籌備，故12月未能如期出嫁。
Alice B.（左起）、Mandy和Marie同穿白色裙，各具美態。
外籍高層突然為Mandy撕走胸前貼紙，令她大感尷尬！