陳嘉桓唔想睇床照 鍾嘉欣送碟呵峯

林峯現任緋聞女友陳嘉桓昨日行騷時，被問到知否有傳「情敵」潘霜霜原本出席？嘉桓表示不明為何被冠以第三者之名：「拖都冇拍，何來第三者？同潘霜霜本身都唔識，會做好自己本分，行好個騷囉！（聽過啲人講佢會嚟？）個個都好忙，冇聽到。（林峯腸胃炎喎！）唔知呀！亦都唔知點去慰問佢，希望佢快點好番。」有傳霜霜還有一批三級相片，但有人不欲照片曝光，結果花二千萬元買斷，嘉桓說：「係咪真o架？（想唔想睇？）怕睇完食唔到嘢，如果有人硬要畀我睇都避唔到，行街經過都會見到，我唔係局內人，冇乜特別感覺。」

另一邊廂，過氣緋聞女友鍾嘉欣前晚宣傳新碟時，被問到會否送碟給林峯，她欣然答應。談到霜霜在專訪中提及愛情觀時，曾表示情傷後會不惜一切，問到會否擔心林峯再有床照流出？她愕然地說：「吓！呢一刻唔回應，係對阿峯最好嘅支持，有望件事快啲告一段落啦！」

陳嘉桓表示不知道原本有機會與「情敵」霜霜同場。

鍾嘉欣揚言會送新碟給林峯。