黃嘉樂內地冇遇飛來蜢

無綫藝員黃嘉樂近來不時接拍內地電視劇及電影，其中有不少動作場面，不過亦難不倒他，因他曾學大聖劈掛，總算有發揮機會。去年六月，嘉樂到新會拍攝電影《蔡李佛》，此片將於下月初上映，他在片中飾演絕世高手，與洪金寶兒子洪天照有不少對打戲份，面對有功夫底子的拍檔，嘉樂不敢鬆懈，一有時間便找武師度招、練功，他亦坦言感激師傅冼灝英開工前替他惡補：「之前拍《紫禁驚雷》時天氣太凍，嗰陣好辛苦，仲要耍真刀，所以都好謹慎，而拍《蔡李佛》就用真拳腳，對住啲咁好功夫底子嘅演員，自己都唔敢偷懶，一有時間就練功，壓力好大。」

提到不少往內地拍劇的男藝人容易搭上內地女星，嘉樂說：「一有時間都練功啦！邊有咁多飛來蜢！」此外，不少無綫小生被指離巢，問嘉樂有否寄望上位，他說：「都有呢個心，但有機會都要改變形象先，之前做得太多細佬角色，想轉吓硬朗嘅角色，好似之前喺《烈火雄心3》做火爆角色都好鍾意，就算演奸角都唔介意。」