王梓軒「MJ漫步」男人最痛
唱作歌手王梓軒（Jonathan）早前拍攝新歌《玩具也流淚》MV，大玩型格Feel。為配合歌詞，特別搭建一個三層樓高、類似扭計骰的鋼架，Jonathan吊威吔在鋼架爬來爬去，還要做出太空漫步、倒吊、引體上升及凌空旋轉等動作，他說：「我仲要扮米高積遜（MJ）擺45度向前行嘅甫士，真係好好玩。」
首次吊威吔的Jonathan愈拍愈投入，雖然轉到頭暈兼扯爛衫，但一點也不在乎，他笑說：「好多人都話男人吊威吔好辛苦，我覺得只係每次扯上去嗰一下比較痛。其實吊威吔後可以做一啲平時做唔到嘅動作，呢種感覺好過癮，拍咗八個鐘後仲愛上吊威吔添。」
王梓軒吊威吔經歷「男人最痛」，但他卻一臉享受，扮米高積遜漫步。