連詩雅演女僕睇番打冷震
新人連詩雅（Shiga）日前與師兄周子揚接拍電台劇集《五個買樓的少年》，首次飾演情侶。故事講述兩人為求買樓搏命搵錢，Shiga還要兼職做女僕人，嬌聲嗲氣招呼男顧客，但坦言不習慣穿Lolita裝：「第一次咁着真係好唔慣，仲要我嗲聲嗲氣同食客傾偈。（有冇NG？）有但唔多，反而睇番Playback真係打冷震，想像唔到自己變成咁。」為求演活角色，她曾光顧女僕店舖：「上去睇吓佢哋嘅裝扮同語氣。」至於周子揚慘被Shiga「兜巴星」，他說：「次次做嘅角色都係畀女友打面，唔通係我嘅宿命？」
鏡頭以外，兩人日前「拍住拖」到便利店買飲品，問到是否因拍劇而日久生情？兩人即齊聲否認。
連詩雅扮女僕服侍男顧客，難怪睇番Playback打冷震！
連詩雅被拍得與周子揚連體到便利店買飲品，儼如熱戀情侶。