李蘊無緣赴日影寫真
歌手李蘊受日本大地震影響，取消原定於本月到北海道拍攝寫真集，令從未踏足日本的她大表失望：「今次以靚人靚景為主題，本來去北海道吃喝玩樂同浸溫泉，不過因為地震去唔成！（堅持行程？）唔會，人命攸關嘛！我要顧及工作夥伴嘅安全！」雖然與日本無緣，但她甚關注世紀天災：「睇見日本啲鬧市霎眼間變成汪洋，感覺好震撼、恐怖！希望災民加油！」
李蘊表示去年的處女寫真集共賣了15,000本，成績相當理想，經理人才打算添食：「我諗住帶埋媽咪去，佢幫我睇吓有冇影到走光，同埋可以順便一齊玩吓！」至於其經理人透露，寫真集或移師泰國或馬來西亞拍攝，不過一切未落實。
李蘊去年的寫真集成績理想，難怪她想添食。 （資料圖片）
李蘊未能到日本拍攝寫真，令她失望又無奈。