蔡慧敏認冧「阿佘男友」

最近有指蔡慧敏撬走佘詩曼的男友，昨日蔡慧敏出席記者會時說：「佢係我去泰國玩時喺飛機識嘅，我哋傳紙仔傾偈，感覺幾甜蜜，仲交換咗電話。返港之後，佢用短訊同電話追我，之前去上海做嘢，仲叫我一齊去玩，我都有問過佢係咪佘詩曼男友。（咁係唔係？）人哋嘅關係唔方便講，而我哋依家係朋友關係。（佢係咪單身？）佢話係。」她承認雙方互有好感。