Kary變肥肉7位數斟約

將於年中約滿金牌大風的吳雨霏，續約問題一直未有定案，面對華納及英皇挖角，有傳金牌大風不惜以銀彈攻勢力挽她做「一姐」！

能唱能跳的型格歌手吳雨霏（Kary），今年中有機會與金牌大風結束賓主關係，吸引不少唱片公司虎視眈眈，盛傳華納與英皇已向她招手，令金牌大風極為頭痛，最新消息指他們以7位數字酬勞打動Kary動筆！

親自傾身價

記者昨日向Kary求證，她承認有唱片公司挖角：「仲傾緊，真係未知。（優先考慮金牌大風？）一定同佢哋傾先，咁多年嚟關係良好，好似娘家咁，而金牌同其他唱片公司都好有誠意，對我好照顧。」自言已大個女的她表示，當年入行時未滿18歲，故由父親決定，而今次續約則由自己話事。

問到親自傾價錢會否感尷尬，她笑說：「OK啦！（身價大躍進？）都係o架！當年係新人嘛！依家都係合理身價啫！（7位數字？）幾多唔講喇！當然愈多愈好，不過續約與否，錢唔係最大因素，係睇發展。」Kary指老闆龐維仁有很多發展計劃，很疼錫旗下藝人，而她有向好友鄧麗欣及蘇永康詢問意見。提到演唱會Part 2觸礁，Kary說：「批唔到期有少少失望，但我知公司盡咗力。」

至於金牌大風CEO陳輝虹則說：「仲傾緊，無可奉告。（有其他公司招手？）好歌手自然多公司有興趣，好正常啫！」而Kary前晚偕老闆龐維仁欣賞RubberBand演唱會，雙方顯然關係不俗。