祖兒自嘲面圓過盆冇執過
最近有報道指容祖兒疑似整容，不過她前晚出席活動時，自嘲「塊面圓過面盆」，笑言要感激被暗示「靚咗」！
祖兒、林俊傑、梁靜茹、LOLLIPOP F及韓國組合Super Junior-M等前晚出席《香港亞洲流行音樂節》，同場由6地歌手競逐的「亞洲超級新星比賽」，由韓國組合The Boss險勝陳偉霆奪得「最佳舞台演繹獎」，而中國代表、英皇旗下的女歌手吳琼則連奪「最佳歌曲演繹獎」及全場總冠軍，成為雙料冠軍！落敗的陳偉霆坦言失望，以燈膽舞衣應戰的他，綵排時慘被小燈膽輕微燒傷！
陳偉霆落敗失望
剛充電返港的祖兒明顯面圓圓，對於被指疑似整容，她自嘲：「我塊面圓過面盆呀！話我下巴兜兜嘛！呢啲係晚境無憂，唔係今時今日先係咁！我都費事講！」她笑言要感激報道暗讚她「靚咗」！對於林峯「蜜照」連環流出，她認為是正常拍拖的合照，自封「自拍狂」的她則拒影床照：「我瞓覺瞓到隻豬咁，唔會啦！」至於鄭融則認為潘霜霜不會偷拍：「過咗去唔好提，佢（林峯）都好慘！」
另外，對於緋聞女友陳立冷早前在台灣被追訪時向記者潑水，林俊傑否認對方是女友，但仍代她向大家道歉。
祖兒剛度假返港，看來圓潤不少，相當風騷！
梁靜茹心情勁靚，不時向觀眾揮手。
吳琼（右）成為雙料冠軍，陳偉霆輸得心服口服。
鍾舒漫（左）與鄭融鬥歌鬥舞，觀眾最有福。
LOLLIPOP F載歌載舞，令粉絲High爆。
Super Junior-M以白馬王子Look演出，惹來全場尖叫！