馬國明認愛滋男星博見報
黃宗澤、陳法拉、劉璇及馬國明等昨日在銅鑼灣宣傳新劇《女拳》，對於有傳TVB有位一線小生感染愛滋病，令曾跟他拍吻戲的女藝員人人自危，法拉坦言未有聽聞，加上她甚少拍接吻戲，故並不擔心：「接吻係唔會傳染愛滋病，有冇常識o架！」對於林峯及潘霜霜的激咀照曝光，她表示曾以短訊慰問林峯：「私人嘢唔回應，我好支持阿峯，唔想講太多。」
至於同樣未有聽聞「愛滋小生」傳聞的馬國明，竟爭住認「有病」：「最衰報道形容嘅唔似我，唔係我認咗佢，博見吓報，仲可以幫套劇宣傳！」他又自誇信譽良好，從未有女星拒絕與他拍接吻戲。問到可會效法林峯與北方美女拍拖，他說：「北上拍劇就好想，我啲普通話唔好，都係覺得同香港女仔溝通好啲，不過愛情無分國界嘅，最重要係溝通到！（吳卓羲普通話都唔好！）佢依家好咗好多啦！」莫非暗示吳卓羲與「內地乳牛」張馨予的緋聞屬實？
法拉做車伕拉馬國明，難怪面容扭曲。
馬國明
黃宗澤（右）及姜大偉作狀錫錫劉璇，難道唔怕伴侶呷醋？