Bosco反口唔認杏兒 喪標汗

黃宗澤早前在訪問中親口確認女友胡杏兒的身份，昨日二人出席活動時被追問此事，竟不約而同緊張到標汗，果然夠合拍！

黃宗澤（Bosco）與胡杏兒早前拍拖Shopping斷正，其後Bosco受訪時罕有確認杏兒的女友身份！二人昨日偕無綫花旦小生出席《香港國際影視展》，Bosco竟又反口不認杏兒，還勁標冷汗：「冇認過！畀人陰咗啫！（杏兒反應點？）冇反應呀！真係老貓燒鬚！」問到有否慰問林峯，他說：「心照啦！都有搭一搭膊頭問候，但男仔識女仔好正常啫！（咁你又唔認？）你哋放過我啦！」

至於杏兒談及「身份」被確認時則笑說：「女友啫！唔係我吖嘛！你要問番佢！（開心？）唔知發生咩事，唔可以答假設性問題。」問到會否提醒Bosco在內地拍劇時小心點，她笑說：「唔關我事！」

祥仔願剝衫撐無綫

席上，無綫向傳媒發放藝員宣傳照，問到為何傳離巢的佘詩曼冇份，拉隊撐場的高層樂易玲說：「阿佘影o架！度咗期喇！我都想叫黎耀祥影，佢咁多工作。」對於同樣傳離巢的馬德鐘亦冇份，她強調只是檔期問題。至於黎耀祥得悉樂易玲有意邀他拍宣傳照時說：「露膊相？唔着衫好呀！我未試過。（想成為一分子？）梗係啦！我係無綫基本合約演員，仲有兩年約。」