林峯憔爆心寒

林峯昨日一臉憔悴出席活動，他坦言因「床照」事件心情尚未平復，昨日又傳出與內地女主持溫雅到酒店密會，他直言「聽到好心寒」！

滿面倦容的林峯昨日到灣仔會展出席香港國際影視展，對於昨日再有消息指他跟內地主持溫雅到酒店密會，他說：「唔好再搞！我心情都未平復，唔想再講。」他指當天是做完訪問，跟一大班工作人員吃飯，亦知道當時有人影相：「我依家好敏感，聽到好心寒。（有人乘機抽水？）唔知。（嚇驚咗？）好多公司同事都知我呢幾年想開拓內地巿場，國語碟又啱啱開始。」他又表示不會刻意減少到內地工作，一切依公司安排。對於有指潘霜霜因逼婚不遂才公開床照，林峯只搖頭沒回應。而昨日一度有傳潘霜霜會現身展覽另一攤位，問到會否擔心舊愛找他，林峯說：「唔會嘅！我都係過嚟做嘢啫！」

樂易玲：我冇走漏眼

無綫高層樂易玲則力撐林峯，問到會否着旗下藝人返內地時要「小心點」，她笑說：「唔係藝人，係警誡啲男人。（林峯工作受影響？）冇，個個對佢好好。（潘霜霜好似出嚟喎！）咪出囉！」問林峯交女友為何不讓她過目時，樂易玲說：「有，我冇走漏眼。（信唔信佢借林峯過橋？）呢啲唔答，總之係冇走漏眼。（即係佢好好？）我唔答得。不過我不嬲都鼓勵阿峯拍拖。」同場的陳豪亦撐林峯，認為跟女友影親密照屬正常，不過就強調是過往的女友。而與林峯傳緋聞的陳嘉桓昨日出席活動時，否認因緋聞而名氣大增，更笑言是誤會一場。